Agsagsaganan ti Civil Aviation Authority of the Philippines (CAAP) para iti maikadua a wave dagiti biahero ita a bakasion.
Segun iti CAAP, ipatungpalda dagiti protocols tapno masigurado ti kinatalged dagiti pasahero nga aglugan iti eroplano.
Agtaltalinaed ti CAAP iti heightened alert tapno masigurado ti kinatalged ken naurnos a serbisio ti eropuerto.
Iti sabali a bangir, ibilang ti CAAP a naballigi ti panangtarawidwid dagiti airport authorities iti trapiko iti bakasion idi a panawen ti Paskua.
Inawagan manen ti CAAP ti publiko a nasapa a sumangpet iti eropuerto ken liklikan ti panangitugot kadagiti maiparit a banag tapno saanda a matantan bayat ti panagbiahe da.
