Mamati ni PCG spokesperson for the West Philippines Sea Commodore Jay Tarriela a kayat ti China a maisalakan iti imahe daytoy, kalpasan nga inikkat da iti video ti collision incident iti inruar a report ti China state-controlled media a Global Times
.Iti maysa a press conference, kenuna ni Tarriela a saan a maaklon ti China a napasamak ti panagdinnungpar iti bukod da a barko bayat a kamkamaten da iti barko ti Philippine Coast Guard a BRP Suluan asideg ti Scarborough Shoal idi Lunes, Agosto 11.
Iti nasao a waragawag ket kalpasan nga inruar ti Global Times iti maysa a video ngem saan a nairaman iti mismo a collision ti People’s Liberation Army Navy ken China Coast Guard vessel 3104.
Impadamag da pay nga iti BRP Suluan iti nangisayangkat ti napeggad a maniobra kontra kadagiti barko ti China, maisupadi iti video nga ala ti Philippine Coast Guard.
