Adu a pormasyon ti Chinese naval ken coast guard vessels ti agririkos ti aglawlaw ti Taiwan Strait ken Western Pacific.
Daitoy ti pinasingkedan ti Taiwan Defense Ministry bayat nga agsagsagana ti isla para iti potensyal a military drills ti Beijing.
Binigbig ti Taiwan armed forces dagiti Chinese People’s Liberation Army (PLA) vessels manipud Eastern, Northern, ken Southern Theater Command kasta met dagiti Coast Guard vessels a sumsumrek kadagiti kabaybayan da.
Daitoy a panaggaraw ti military ket napasamak sumagmamano nga aldaw kalpasan ti unofficial stop ni Taiwan President Lai Ching-te idiay Hawaii, maysa nga US territory.
Binabalaw dagiti otoridad ti China ti panagbiyahe a daitoy ni Lai ken inawagan da pay isuna a separatista.
Ti biyahe ni Lai ket kalpasan ti panagapbrobar ti Estados Unidos ti panaglako ti armas iti Taiwan, nu sadinno ket nagkeddeng ti China iti strong countermeasures.
Bagbagien ti agdama a Partido Komunista ti China ti Taiwan kas bukod na a teritoryo, Bayat a ti Taiwan met ket pinaglibakan da daitoy ken kinunada a maysa da nga estado ken pagilian a maisina ti China.
