Maysa a Chinese national ti naarestar sadiay Ninoy Aquino International Airport (NAIA) idi Enero 22, 2025, kalpasan a pinadasna ti agturong idiay China nga addaan iti peke a working visa, segun iti Bureau of Immigration (BI).
Ti suspek ket nabigbig a ni Li Xuanjun, 23-anyos, ket naharang babaen kadagiti immigration officers idiay NAIA Terminal 3 sakbay ti naikeddeng a panagtayabna idiay Quanzhou, China.
Ti pannakaarestar ni Li ket gapu iti pannakaduktal dagiti otoridad a peke ti working visa-na.
Naipaay ti visa kenni Li idi 2023, ngem kinansela ti BI kalpasan a naduktalan a saan nga umiso ti impormasion ti suspek iti aplikasionna.
Ditoy a naammuan ti ahensia a naited ti working visa ni Li a basar ti maysa peke nga employer-company a nangisubmitir iti petision iti biangna.
Kanayunanna, imbestigaran ti BI ti panangsukimat iti Securities and Exchange Commission (SEC) ken ti Department of Trade and Industry (DTI) nakailanad ti license daitoy nga awan ti record ti kompanya.
Gapo iti daitoy ket indeklara ti BI Board of Commissioners ti visa ni Li a null ken void.
Pinasingkedan ni Bi Commissioner Joel Anthony Viado ti pannakaarestar ken kinunana a ni Li ket naideport itan para iti panagbalinna nga “undesirable alien” gapu iti aplikasionna.
Nairaman ti nagan ni Li iti BI blacklist, isu ket saanton a pulos a makasubli manen ditoy Pilipinas.
