Agarup P5 billion ti nagastos ti Bangko Sentral ng Pilipinas (BSP) para iti baro a polymer money a nairuar itay nabiit, segun iti Commission on Audit.
Segun iti ahensia, inaprobaran ti Monetary Board ti lima a kontrata ti supply iti fourth quarter ti 2023 nga aggatad iti P4.98 billion para iti pannakapataud dagiti baro a kuarta babaen ti New Generation Currency Series, pakairamanan ti denominasion a P1,000; P500; P100; ken P50.
Naited ti umuna a kontrata idi Hulio 13, 2023 idinto a ti sabali pay a kontrata ket ti naited idi Setiembre 28, 2023.
Manipud idi Oktubre 19, 2023, aggatad iti P2.6 billion ti kontrata para kadagiti supply.
Agpada a nakagun-od dagiti kompania manipud Germany iti sabali pay a kontrata idi Nobiembre 16, 2023, nga addaan iti dagup a gatad a P3.718 billion para iti dua a kontrata.
Pinasingkedan ti BSP a dagiti baro a polymer banknotes ket saan a pakairamanan dagiti ladawan dagiti bannuar ti Pilipinas.
Nu ketdi, dagiti baro a bill ket mangitampok kadagiti katutubo nga ayup ken mula, kas iti Philippine eagle ken sampaguita flower iti P1,000 bill, Visayan spotted deer ken endemic orchid iti P500 bill.
Iti agdama, limitado paylaeng ti bilang dagiti baro a bill iti lugar ti Greater Manila ken manamnama a magun-odan iti intero a pagilian inton Enero, sumaruno a tawen.
