LA UNION – Kas addang iti posible nga epekto ti Tropical Depression “GENER” iti Ilocos Region, naisaganan ti Coast Guard District North Western Luzon nga idaulwan ni Capt. Ivan Roldan, dagiti personnel ken arwaten para iti Deployable Response Group (DRG).
Ti nasao a grupo ket nakasagana nga umasistir iti lokal a gobyerno ken kadagiti umili para iti evacuation and rescue operation.
Kabayatanna, naka-alert status dagiti kameng ti Phil. Coast Guard iti amin a pantalan ti rehiyon uno tapno ag-responde iti anyaman a pasamak a posible a parnuayen ti Tropical Depression Gener.
Naisagana pay dagiti essential first aid ken rescue equipment, a pakaibilangan ti radio communication devices, nga usaren ingkaso nga adda emerhensiya.
Daytoy nga addang ket tapno masiguro ti kinatalged ken seguridad dagiti tattao iti area of responsibility dagitoy.
