Dumanonen iti nasurok 500k nga tattao iti apektado dagiti napagkadwa nga epekto ti Habagat ken ti naglabas a Bagyong Luis ken Maymay.
Manipud iti kauddian a situational report ti National Disaster Risk Reduction and Management Council (NDRRMC) ita nga aldaw ti Lunes, Agosto 10, agdagup 585,993 nga indibidwal wenno 170,593 a pamilya kadagiti siyam a rehiyon ti apektado dagiti didigra.
Nasurok 4,800 nga indibidwal iti naipasidong ti pre-emptive evacuation ditoy Region I, idiay Region III, CALABARZON, ken MIMAROPA. Sobra 32K a tattao dagiti na-distierro, bayat a 293 nga dadduma pay ti agtultuloy nga adda kadagiti evacuation centers wenno imyan kadagiti kakabagian da.
Walo pay dagiti naipadamag a natay, siyam a nadundunor, ken maysa ti mapukpukaw. Karaman kadagiti nailista nga insidente ket ti panaglayus kadagiti 635 a lugar, panagreggay ti daga, electrocution wenno pannakakuryente, pannakarsuod kadagiti istruktura, ken ipo-ipo.
