LA UNION – Boluntaryo a nangiruar ti waiver ni Comelec Chairman George Erwin Garcia tapno palubosan dagiti imbestigador a sukimaten ti bank records daytoy.
Iti addaang ti komisyon ket kasaruno iti imbutaktak ni Sagip party-list Rep. Rodante Marcoleta a saan a bumaba iti P1 bilyon iti naiyakar manipud kadagiti bangko, kabilang iti nakabase idiay South Korea, agturong iti 49 offshore accounts a makunkuna nga adda pakainaigan ti maysa nga opisyal ti Comelec.
Impaganetget ni Garcia iti exclusive interview ti Bombo Radyo, nga in-waive na iti bank secrecy tapno saan a mamantsa-an iti reputasyon ti Comelec ken tapno paneknekan a nadalus ti record na nga awan ti ilem-lemmeng na a kinakusit .
Kabayatanna, indatagen ni Garcia iti National Bureau of Investigation (NBI) dagiti 49 a bank accounts nga inruar ni Marcoleta.
Kayat ita a maamwan ti Comelec Chairman nu akin-kukua dagiti bank details ken nu pudno met laeng dagitoy.
Mangnamnama iti lider ti poll body a rumwar iti kinapudno ken maamwan nu siasino ti adda iti likudan ti maiwar-waras a fake news wenno misinformation kontra Comelec.
