Inawat ti Commission on Elections (COMELEC) iti desisyon ti Korte Suprema a mangpatibker iti diskwalipikasyon ti sigud nga alkalde ti General Luna, Quezon a ni Matt Erwin Florido, gapo iti kaso ti vote buying.
Segun kenni COMELEC Chairman George Erwin Garcia, pamaneknek iti desisyon nga addaan ti umno a direksyon iti kampanya ti komisyon kontra iti vote buying ken mangipapaay daytoy ti natibtibker a panakabalin iti poll body ken iti Committee on Kontra Bigay.
Maipalagip nga idi Agosto 12, pinatibker ti Supreme Court iti desisyon ti COMELEC a saan a palubusan ni Florido a tumaray kas pannakabagi ti maikatlo a distrito ti Quezon iti May 2025 NLE, kalpasan a mapaneknekan a karaman iti kampo na a mangipapaay ti Php 1,000, libre a taraon, t-shirt, ken transportasyon iti maysa a pampubliko a panagtataripnong idiay Buenavista, Quezon.
Inpaganetget ni Garcia, usaren da iti nasao a desisyon tapno papigsaen iti panangipatungpal ti linteg kontra iti vote buying, kangrunaan iti umadanin a BARMM Parliamentary Elections, Barangay ken Sangguniang Kabataan Elections.
