LA UNION – Mangisayangkat ti makalawas nga off site registration iti COMELEC offices iti naduma-duma nga ili ditoy probinsiya ti La Union a pakairamanan ditoy siyudad ti San Fernando.
Daytoy iti kinuna ni Atty. Joel Gines, agdama nga Election Supervisor ditoy La Union.
Kagiddan daytoy ti panawagan ni Gines kadagiti maseknan nga umili a gundawayan dagiti maisayangkat nga off site registrations kadagiti barangay, agsipudta ababa laeng kunana ti panawen a naituding para iti nasao a rehstrasyon.
Daytoy ket nangrugi idi kalman, Hulyo 4 nga agpatingga inton Hulyo 23, agdama a tawen.
Daytoy ket kas preparasyon iti manamnama a panangisayangkat ti Barangay ken Sangguniang Kabataan (SK) elections inton December 5, 2022.
Silulukat iti opisina da manipud Lunes agingga Sabado, agraman iti piyesta opisyal, manipud alas-8 ti agsapa agingga alas-5 ti malem.
Dagiti Pilipino nga edad 15-anyos “on or before December 5, 2022, ngem saan nga agtawen ti nasur-surok ngem 30 years old ken agnanaed iti barangay iti at least 6 months, ket mabalin da ti agpa-rehistro kas SK voters.
Dagiti met regular voters, nga at least 18-years old, a residente ti Pilipinas iti at least makatawen ken mabalin dan ti agparehistro.
