Pinalagipan ti Comission on Election dagiti kandidato iti kalkalpas a national ken local election iti panangisubmiterda ti Statement of Contribution and Expenditures (SOCE).
Segun iti La Union Provincial Election Supervisor a ni Atty. Marino Salas, saan a makatugaw iti puwesto dagiti kandidato agingga a saanda a maisubmiter ti SOCE dagitoy.
Ipampanawagan ti komisyon a kasapolan a maisubmiter ti SOCE dagiti kandidato kasangwanan ti June 8 a panagpatingga ti pawayway nga inted ti Comelec.
Mainaeg iti daytoy, kasapolan nga adda pirma dagiti resibo nga isubmiter dagiti kandidato a basaran iti nagastos dagitoy.
Inkaso a limbes iti naituding a gastos dagiti kandidato ket posible dagitoy a sumango ti asunto.
