Nagserbi ti Commission on Elections (Comelec) idi Martes iti subpoena kontra kenni suspended Bamban, Tarlac Mayor Alice Guo mainaig iti material misrepresentation complaint a naipila kontra kenkuana.
Bimmisita dagiti pannakabagi ti Comelec ti adres a nailanad iti certificate of candidacy ni Guo kasta met iti opisinana idiay Bamban tapno maiserbi ti dokumento kas paset ti preliminary investigation iti kasona.
Maysa nga unauthorized staff member ti nakaawat iti dokumento idiay talonna idinto a pormal nga inawat ti sekretario ti mayor ti subpoena.
Kinuna pay ni Duque a maibilang a naipakaammon ni Guo iti kasona ken mapakaammuan ti proseso uray no saan a personal a nakaawat iti subpoena kalpasan ti tallo nga agsasaruno a panangpadas.
Idi napan a lawas, inaprobaran ti Comelec en banc ti rekomendasion ti law department-na a mangipila iti motu proprio complaint kontra ken ni Guo.
Kinuna ni Comelec chairperson George Garcia a mapalubosan daytoy a mangsungbat iti reklamo.
Nakuestion ti kinaumili ni Guo gapu iti saan a naitunos a testimonia na.
