LA UNION – Mangisay-sayangkat ti Commission on Election (COMELEC) Provincial Office iti Vote Counting Machine wenno VCM road show, iti naduma-duma nga ili ditoy probinsiya ti La Union.
Naamwan ti Bombo Radyo La Union kenni Atty. Marino Salas ken agdama a Provincial Election Supervisor, a naudi a nagturong da idiay Agoo, La Union tapno isuro ken iyadal kadagiti botante, nangruna dagiti first time voters, iti panangusar ti VCM para iti panagbotos dagitoy inton Mayo 9, 2022.
Kabinnulig ti COMELEC iti nasao a ganwat iti Philippine National Police (PNP) ken dadduma pay nga opisina ken sektor ti gobyerno.
Malaksid iti Agoo, immunan a nagturong iti bunggoy ti COMELEC idiay Bangar, La Union para iti VCM road show.
