Impalgak ti hearing ti House Committee on Good Government and Public accountability ti panaggasto ti P16 million para iti safehouse rentals iti las-ud laeng ti 11 nga aldaw iti 4th quarter ti 2022.
Isu met laeng a gatad a P16 milion ti nagastos para iti 1st quarter ti 2023 iti nasurok la bassit a 50 nga aldaw ken iti maikadua a quarter ket
naaramat ti nasao a pondo para iti panagabang kadagiti safe houses.
Gapu iti daytoy, dinamag ti COA no apay a dida ammo ti detalye ti gastos nangruna ket saan a maibaga ti ahensya no ania a klase ti pasilidad ti naabangan.
Napaliiw ni Manila Representative Ernesto Dionisio nga isu met laeng ti nagastos ngem iti nagduduma nga aldaw laeng.
Impalgak ni Camora a ‘steep’ ti disbursement, nangruna ta agsabali ti aldaw da.
Iti interpellation da Committee on Good Government and Public Accountability Chairman ken Manila Representative Joel Chua kenni Representative Romeo Acop, dinamagda no ania ti nagbasaran ti COA a mangrepaso iti gastos ti confidential fund.
Insungbat ni Attorney Gloria Camora, Commission on Audit Intelligence and Confidential Funds Audit Officer, a dagiti acknowledgement reciepts ti nagbasaran da iti panagadal iti nasao a pondo.
Dinamag pay ni Acop no awan ti hurisdiksion ti COA nga ammuen no pudno wenno nainkalintegan ti naaramid a panaggastos.
Insungbat ti COA a nakadepende da kadagiti naisubmitir nga acknowledgment receipts.
