LA UNION – Gapu iti pananglisi a sungbatan ti salodsod iti panagdengngeg ti Quad Comm ti Kamara de Representantes, na-contempt iti sigud a mangidadaulo ti Philippine Drug Enforcement Agency (PDEA) a ni Wilkins Villanueva.
Inaprubaran ti komite, nga idaulwan ni Surigao del Norte 2nd District Rep. Robert Ace Barbers, iti maysa a mosyon a mangibagbaga a linabsing ni Villanueva iti Seksyon 11(c) ti House Rules of Procedure Governing Inquiries in Aid of Legislation.
Nag-mosyon ni Abang Lingkod Party-list Rep. Joseph Stephen “Caraps” Paduano kalpasan a kinedkedan ni Villanueva iti paulit-ulit a salodsod seknan iti pannakairamanana iti warrantless arrest ni Jed Pilapil Sy, asawa ti maatap a drug lord a ni Allan Sy, iti napasamak a raid idi 2004 iti maysa a shabu laboratory idiay Dumoy, Davao City.
Ni Michael Yang, a sigud a presidential economic adviser ni Duterte, ket karaman met laeng iti raid iti Dumoy drug lab, a naka-kumpiskaran iti nasurok 100 kilo ti high-grade shabu nga agbalor ti P300 milyon—a maibilang idi kas kadackelan nga operasyon kontra droga.
Nupay kasta, namin-adu met a daras a pinaglibakan ni sigud a PDEA regional director Villanueva, nga adda pakainaigan ni Yang, ken imbaga na nga awan ti ebidensya a mangikonektar kenkuana iti drug lab iti dayta a panawen.
Ni Villanueva ket nagserbi a PDEA Director General idi panawen ti Duterte administration.
Kas pannusa, naibilin nga ibalud ni Villanueva iti pasilidad ti House of Representatives agingga a malpas iti panagdengngeg.
Nupay kasta, binaliwan ni Antipolo 2nd District Rep. Romeo Acop iti mosyon, a nangituding iti contempt ken detention order nga agbalin nga epektibo nu agtultuloy iti imbestigasyon ti Quad Comm inton Enero 13 ti sumaruno a tawen.
Inaprubaran ti mega-panel iti inamyendaran a mosyon ken naipaganetget a ti pannakaitantan ket naaramid kas panangipakita ti kinasayaat iti espiritu ti paskua.
