BR LA UNION – Nakalasat ni Bangsamoro Autonomous Region in Muslim Mindanao (BARMM) Chief Minister Abdulraof Macacua kalpasan a natambangan ti convoy na idiay Barangay Bitu, Datu Odin Sinsuat, Maguindanao del Norte itay alas-4:45 ti malem.
Maibasar iti inisyal a report dagiti otoridad, pinaltugan dagiti saan pay nabigbig nga armado a suspek iti convoy ti Chief Minister bayat a dumaldalyasat iti nasao a lugar.
Iti laksid ti panagatake, kumpirmado nga adda iti natalged ken nasayaat a kasasaad ni Macacua.
Agtultuloy ita ti imbestigasyon dagiti pulis tapno mabigbig dagiti armado nga adda iti likudan ti ambush ken tapno maammuan ti motibo ti panangraut.
Kinuna ti pulisiya a saanda pay a mabalin a klasipikaren ti insidente wenno dagus nga isilpo daytoy iti politika wenno kadagiti isyu nga adda pakainaiganna iti rehiyon.
Iti agdama, kinordonan dagiti otoridad iti lugar bayat a maisay-sayangkat ti hot pursuit operations.
Innayon pay dagiti pulis a saan da pay a ma-classify wenno maikonektar a dagus ti insidente iti politika wenno kadagiti isyu nga adda pakainaiganna iti rehiyon.
