Imbutaktak ti government contractor a ni Pacifico “Curlee” Discaya II a nakadependir iti nakatakem a presidente iti madawdawat a porsyento ti kickback dagiti kongresista babaen ti “bag man” da manipud kadagiti kontraktor.
Iti naisayangkat a Senate Blue Ribbon Committee hearing ita nga aldaw kas maibasar iti binasa nga affidavit ni Discaya, maipagarop a 10% iti kickback nga aw-awagan da kas “padulas” wenno kuarta nga al-alaen ti bagman.
Ngimato met ti porsyento ti 12% agingana 15% iti sidong ti panangidaulo ni Presidente Rodrigo Duterte, bayat a dimoble pay daytoy ti 25% agingana 35% ti agdama nga administrasion ni Presidente Ferdinand Marcos Jr.
Imbutaktak da pay a no saan da nga umanamong iti nasao nga aramid ket maaddaan ti problema iti proyekto kas iti mutual termination wenno isyu ti right of way, pakairamanan iti pamutbuteng a ma-blacklist isuda iti uneg ti maysa a tawen no saan da a makipaset kadagiti bidding – isunga mapilpilitan da a sumurot.###
