Ikkatenen ti Department of Agriculture (DA) ti maximum suggested retail price (MSRP) kadagiti produkto ti baboy a mailako kadagiti merkado gapo iti nababa a panagtungpal dagiti retailer.
Segin kenni DA Undersecretary for Livestock a ni Constante Palabrica, nakatuding ti panangiyanunsyo ti MSRP ti nasao a produkto ti las-ud ti 24 nga oras kabayatan iti panagadal da nu kasatno ti panangimplementar daitoy a nasayaat.
Inlawlawag ti DA official a ti nasao nga addang ket para ti panangribisar ti MSRP a bumatog ti pagkasapulan dagiti pork retailers.
Kinunana pay a marigrigatan dagiti pork retailers a sumurot gapo iti nababa a supply ti baboy, gapo paylaeng ti agraraira a problema kas African Swine Fever ken adu a demand idi panawen ti eleksyon.
Nangrugi idi naipatungpal ti nasao a polisiya idi Marso 10 ket agingga 30% laeng ti nagtungpal iti naipaulog nga MSRP kadagiti produkto a baboy.
