LA UNION – Inlawlawag ni Regional Director Heddy Jose Lardizabal ti Civil Service Commission Region I iti makunkuna a mid-year bonus para kadagiti amin a sangay ti government employees nga mait-ited kadakuada kas benefits.
Iti pannaki-uman ti Bombo Radyo La Union kenkuana, dagiti qualified a makaawat ti mid-year bonus ket dagiti goverment workers a regular, casual, contractual, civilian personnel.
Saklaw na pay daytoy dagiti elective positions, agpada a full-time ken part-time, executive, legislative, ken judicial branches, constitutional commissions, dadduma a constitutional offices, state universities and colleges, ken government-owned or -controlled corporations a sakup ti compensation ken position classification system, kasta met dagiti local government units.
Malaksid pay dayta, karaman pay dagiti military ken uniformed personnel a pakairamanan dagiti kameng ti Armed Forces of the Philippines babaen ti Department of National Defense, kasta met dagiti personnel manipud iti Philippine National Police, Philippine Public Safety College, Bureau of Fire Protection, Bureau of Jail Management and Penology, Bureau of Corrections, Philippine Coast Guard, ken National Mapping and Resource Information Authority.
Saan met nga entitled a makaawat ti mid-year bonus dagiti job contract wenno emergency personnel; job order employees, ken under contract of service.
Kabayatanna, adda kondisyon dagiti qualified employees a makaawat ti mid-year bonus, kas kuma iti kaaddada iti serbisio iti saan a kumurang nga uppat a bulan manipud July 1 ti napalabas a tawen agingga iti May 15 ita a tawen; ken masapul nga adda satisfactory performance rating iti kaudian a rating period wenno applicable performance period, ken awan iti aniaman a criminal case.
