LA UNION – Maipas-pasidong iti training and certification dagiti mangisursuro nga agserbi nga electoral boards (EBs) iti masungad a local and national elections inton Mayo.
Iti nasao a panagsanay ket idadaulwan ti Department of Science and Technology (DOST) ken Commission on Elections (Comelec).
Iti pannakiuman ti Bombo Radyo kenni Atty. Marino Salas, agdama a Provincial Election Supervisor ditoy La Union, kinunana a kasapolan a maipasa dagiti mangisursuro iti nasao a training ken makaala ti certification manipud DOST, tapno makapagserbi dagitoy kas electoral board iti eleksiyon.
Ditoy probinsiya ti La Union, dua iti naituding a venue a pakaisay-sayangkatan ti training and certification, iti ili a Bauang ken San Juan, ken nangrugi daytoy idi Marso uno agingga Marso 16.
Naamwan a sakbay a maideploy dagiti teachers nga agserbi iti masungad nga eleksiyon ket nasken a makumpleto da iti serye ti training programs agraman iti DOST Certification Program.
Nairanta daytoy tapno masiguro a dagiti agserbi nga EBs wenno election board ket information technology-capable a mangusar iti vote counting machine (VCM).
