LA UNION – Iti Dangayan Festival idiay ili ti San Juan ket mangipasimudaag ti panagtitinnulong dagiti umili.
Daytoy ti inpakaammo ni Atty. Reginald Manipon, Executive Secretyary ti local government unit iti ili a San Juan.
Inlawlawag ni Manipon a nangrugi ti selebrasyon idi Abril 27 ken agpaut ti selebrasyon iti uneg ti 11 nga aldaw.
Idi Abril 28, ket inpakaammo ni Manipon nga adda naisayangkat a thanks giving mass, ket maysa kadagiti inkararag da ket ti panagtudo ditoy probinsya, bayat nga iti ka-rabian ket adda naisayangkat a non-government organization night a nakabigbigan dagiti kabinbinnulig ti ili ti San Juan.
Malaksid iti daytoy, ket adda pay ti naiwayat a Kabataan night, ken Electric float parade a nangpamaris iti rabii, ken naruay pay dagiti maiyuswat nga aktibidad agingga Mayo 7.
Mainaig iti daytoy ket inpakaammo ni Manipon nga adda dagiti advisory para iti naannayas a trapiko babaen met laeng ti pannaki-koordinar da kadagiti kabangibang nga ili.
Kabayatanna, naammuan a daytoy ti maikadwa a selebrasyon ti Danggayang Festival iti ili ti San Juan.
