Mapunpunnon dagiti ospital idiay Iran gapu iti ngumatngato a bilang dagiti masugsugatan a demonstrador nga agtultuloy a mangisaysayangkat kadagiti nalawa nga anti-government protests.
Segun iti report ti Farabi Hospital, a kangrunaan nga eye specialist center idiay Tehran, simreken iti Crisis Mode ken temporario a sinuspende dagiti emergency admissions ken surgeries.
Kagiddan ditoy ket agkurkurang metten ti hospital staff iti nasao a pagagasan.
Kenuna met ti maysa pay nga ospital nga ado kadagiti nasugatan a pasyente a naiturong kadakuada ket addaan ti gunshot injuries iti ulo ken mata, ken awan ti umdas a surgeons tapno mataming iti amin.
Sipud idi Disiembre 28, 2025, impadamag ti US-based HRANA a saan nga bumaba ti 51 dagiti natay a protesters, karaman dagiti pito nga ubbing, ken 21 a security personnel bayat a nasurok a 2,311 nga indibidual iti naarestar.
Pinasingkedan ti Norway-based Iran Human Rights (IHRNGO) iti kapada a bilang dagiti nasugatan, karaman dagiti 9 nga ubbing.
Kabayatanna, impaganetget dagiti pulis ti Iran nga awan ti natay idiay Tehran idi rabii ti Biernes, nupay 26 a pasdek iti nauram.
Iti sabali a bangir, nangiruar ti joint statement iti France, UK, ken Germany a mangipanpanawagan ti Iran a protektaran iti populasion ken palubusan iti nawaya a panangiyekbas ken panagtitipon nga awan ti aniaman a panagbuteng.###
