BR LA UNION— Nabulabog dagiti pagilian idiay Middle East kasaruno ti inyuswat a joint attack ti Amerika ken Israel idiay Iran.
Segun kenni Bombo International News Correspondent (BINC) idiay Qatar a ni Joseph Timothy Rivera, agtaltalinaed a kalmado iti sitwasyon idiay Qatar nupay narikna dagiti panagbettak ti aganay 12 missiles a na-intercept iti airspace ti Doha, a personal a naimatanganna bayat nga aggat-gatang iti grocery.
“Habang tayo po ay bumibili ng ating supplies, noong una kalmado pa ang mga tao, bumibili kami ng water and then after nun noong nagkasabugan na nagmabilis na ang mga tao at nakita po natin ang pag-intercept ng missile just above me while I was buying provisions,” paglalarawan pa ni BINC Joseph.
Bayat met iti kangitingitan ti live report ni BINC Joseph, nangngeggan ti baro a napigsa a panagbettak.
Iti kangitingitan ti panagraut ti US-Israel idiay Iran, inladawan ni BINC Joseph nga adun ti mat-naturog iti dayta a oras, nangruna ket nakapasidong iti holy month a Ramadan iti nasao a Muslim country.
Kinuna na a dagus a nagpatulod ti emergency alert iti embahada ti Pilipinas ken gobyerno ti Qatar seknan dagiti insidente ti panagbettak.
Naipatulod ti emergency alert babaen iti text message tapno abiswan dagiti Pilipino nga agturong iti natalged a shelter, agtalinaed iti uneg ti balay, agbalin nga alerto ken padaanan dagiti opisyal laeng nga impormasyon manipud iti otorisado a news channel.
Nainget a maipawil idiay Qatar iti panagiwaras ti fake news, agsipudta ibilang da daytoy a krimen.
