BR LA UNION – Agtultuloy a mabanbantayan ti Bagyo Crising bayat a namantinir ti kapigsa na ken agtur-turong iti amianan, amianan-a-palaud wenno iti kabaybayan daya a paset ti Catanduanes.

Bayat ti kaadda na iti kabaybayan ti pagilian, namnamaen a papigsaenna iti agraraira a southwest monsoon wenno habagat, a mangigubway ti panagtudtudo iti kaaduan a paset ti Luzon ken Visayas kasta met iti sumagmamano a paset idiay Mindanao.

Maibasar iti agdama a track wenno garaw ti bagyo, manamnama a lumabas wenno ag-landfall idiay mainland Cagayan inton rabii ti Biyernes wenno agsapa ti Sabado (July 19).

Posible pay a pumigsa ti bagyo Crising agingga Severe Tropical Storm ita a malem wenno rabii.

Kabayatanna, namnamaen a rumwar iti pagilian ti bagyo Crising inton parbangon ti Domingo, Hulyo 20.

Naudi a nasaripatpatan iti sentro ti bagyo Crising iti kaadayu a 470 km East Northeast ti Virac, Catanduanes.

Kabuyog iti kapigsa ti angin nga umabot iti 55 kph asideg iti sentro ken kapegges nga umabot iti 70 kph.

Pimmartak iti garaw ti bagyo a 25 kph agturong iti amianan, amianan-a-palaud.

Iti agdama, nakangato iti Tropical Cyclone Wind Signal Number 1 idiay Southern portion ti Batanes (Sabtang, Ivana, Uyugan, Mahatao, Basco), Cagayan kabilang iti Babuyan Islands, Isabela, Quirino, northeastern portion ti Nueva Vizcaya (Kasibu, Quezon, Bagabag, Diadi, Bayombong, Solano, Ambaguio, Villaverde), northern portion ti Aurora (Dilasag, Casiguran, Dinalungan, Dipaculao), Apayao, Abra, Kalinga, Mountain Province, Ifugao, Ilocos Norte, northern portion ti Ilocos Sur (City of Vigan, Santa, Caoayan, Bantay, Nagbukel, Narvacan, Cabugao, San Juan, Sinait, Magsingal, San Ildefonso, Santo Domingo, San Vicente, Santa Catalina), ken northern and eastern portions ti Catanduanes(Pandan, Bagamanoc, Panganiban, Viga, Gigmoto).

Nalawa iti imet nga ulep ti bagyo Crising isunga namnamaen iti narway a panagtudo iti dackel a paset ti pagilian.

Nabalakadan iti publiko nga agannad gaputa posible iti panaglayos ken landslide kadagiti vulnerable areas .