LA UNION – Inlawlawag ti Davao City Regional Trial Court Branch 15 a saan da kinanselar iti warrant of arrest kontra kenni Pastor Apollo Quiboloy ken dadduma pay nga akusado iti human trafficking ken sexual abuse cases.
Maibasar iti Clarificatory Order ti korte ita nga aldaw ti Miyerkules, imbaga ti pagukuman nga agtalinaed ti proseso seknan iti arrest order maiyannurot iti bilin ti maysa pay a korte.
Nagramot daytoy iti immuna a nairuar a Temporary Protection Order (TPO).
Iti baro a dokumento manipud Davao court ket pirmado ni Judge Mario Duaves.
Ditoy a nabilin iti clerk of court nga iserbi a dagus ti direktiba kadagiti partido iti kaso, kabilang dagiti opisyal ti pulisya ken Kingdom of Jesus Christ (KOJC).
