LA UNION – Kinumpirma ti sigud warden ti Davao Prison and Penal Farm nga inawagan isuna ni President Rodrigo Roa Duterte ken kinablaawan kalpasan a napatay ti dua nga inmates dagiti tallo a Chinese drug lords iti uneg ti pagbaludan.
Inaramid ni Supt. Gerardo Padilla iti affirmation babaen ti inted na a supplemental affidavit iti Quad Committee a pinirmaanna idi September 4,2024.
Iti nasao a supplemental affidavit ni Padilla, sinuportaran na iti waragawag da Leopoldo “Tata” Tan Jr. a nangibaga a timmawag ni sigud a President Rodrigo Duterte kenni Padilla tapno kablaawan daytoy kalpasan iti ballaygi a misyon a patayen dagiti Chinese drug lords nga isuda Chu Kin Tung alias Tony Lim; Li Lan Yan, alias Jackson Li; ken Wong Meng Pin, alias Wang Ming Ping.
Segun kenni Padilla, bayat a magmagna kadwa na da Tan ken Magdadaro a naka posas agturong iti investigation section ket timmawag kenkuana ni sigud a President Duterte.
Inaklon pay ni Padilla a nagsarita da kenni Royina Garma iti telepono tapno bag-bagaan daytoy a saan a makibiang.
Ni Garma ket nalatak a nasinged kenni sigud a President Duterte agingga a naipatugaw kas PCSO general manager.
Maysa ni Garma kadagiti resource persons iti Quad Comm hearing a mangim-imbestigar iti extra-judicial killings, illegal drugs ken POGO.
