Nangisayangkat ti rally dagiti miembro ti Duterte Panagutin Europe ken dadduma pay a grupo tapno ipanawagan ti naan-anay a panakaibalud ni sigud a Presidente Rodrigo Duterte ken dadduma pay a kakaduana a maipagarup a responsable iti nalawa a pammapatay iti nadara a drug war.
Indauluan ti grupo iti tignay-protesta iti ruar ti International Criminal court (ICC), iggem dagiti tarpaulin a nakaisuratan dagiti panawagan.
Karaman ditoy iti panangpasungbat kenni FPRRD, panangitakder para ti hustisia kadagiti biktima ti drug war, dagus nga hustisia para kadagiti pamiliada, ken dadduma pay.
Naipaganetget met iti ababa a programa ti grupo a saan a rumbeng a tagiawanen iti karbengan pantao ti tunggal umili.
Ita nga aldaw, manamnama a mangisayangkat da pay ti ababa a programa iti asideg ti ICC headquarters kas panangipakita ti suporta kadagiti biktima ti maipagarup nga extrajudicial killings a napasamak kabayatan ti napalabas nga administrasion.
Sumagmamano iti pamilya dagiti biktima ket immunan a nagbiahe tapno personal a dummar-ay iti panagdingngeg kontra iti sigud a presidente.###
