Mamati ni sigud a Senador Leila De Lima a saan a mapasardeng ti ‘rally for peace’ ti Iglesia ni Cristo ti impeachment complaint kontra kenni Bise Presidente Sara Duterte.
Nagleppas a nakappia ti ‘National Rally for Peace’ ti Iglesia Ni Cristo idi Lunes ket impakita dagiti puersa ti relihiyon ti panakimaysa da kenni Presidente Ferdinand Marcos Junior a sinuportaran ti panagkedked ti Presidente nga umanamong iti impeachment plan kontra kenni VP Sara Duterte .
Kinuna ni De lima nga uray adu ken dakkel ti bilangda, iti kamaudiananna ket ti kaaduan a Pilipino latta ti mangiggem iti desision.
Impaganetget ti sigud a Senador a 35% laeng kadagiti simmungbat iti surbey ti Social Weather Stations (SWS) ti saan nga umanamong iti impeachment ti Bise Presidente, ngem dandani 41% ti nagbotos kontra iti impeachment plan.
Maipalagip a dagiti tallo nga impeachment plans a naipila kontra kenni VP Duterte ket gapu iti mapapati a saan nga umiso a pannakagastar ti confidential ken intelligence funds ti Office of the Vice President ken Department of Education iti tawen 2022 ken 2023 a dimmanon iti P612.5 million.
