Death penalty, saan nga epektibo a solusyon tapno maisardeng ti korapsiyon – CHR
Saan a garantisado a ti dusa nga bitay ket epektibo a solusion tapno maksayan ti korapsyon ditoy pagilian.
Daytoy ti impaganetget ti Commission on Human Rights (CHR) iti baet ti proposed bill iti House of Representatives nga House Bill 11211 wenno ti death penalty for corruption act, wenno dusa a bitay babaen ti firing squad para kadagiti corrupt government officials.
Sigun iti ahensya, nupay ti panggep ti singasing ket tapno butbutngen dagiti public officials tapno maliklikan ti corruption, patien da a saan nga epektibo a solusion iti dayta.
Segun iti komision, nadagsen a basol ti kurapsion, ngem kinunada pay a saan a tamingen ti kasta a nainget a dusa ti parikut, imbes ketdi ti singasing ket manglapped laeng iti pannakasapul iti sistematiko a reporma ken mangiturong iti pokus manipud kadagiti preventive measures kas iti panangpapigsa kadagiti accountability mechanisms ken governance systems.
Impalagip pay ti CHR kadagiti lider ti Kamara a maiparit ti dusa nga bitay babaen ti 1987 Constitution.
