Silulukat ni House Committee on Dangerous Drugs Chairman ken Bukidnon Representative Jonathan Keith Flores nga adalen iti panangisubli ti death penalty iti pagilian.
Iti maysa nga interview ket kenuna ni Flores a posible a pagibasaran iti kadagsen ti panakairaman iti ilegal a droga kas iti panangipuslit ti tone-tonelada nga illegal drugs.
Ngem saan a mabalin nga iraman a mapatawan ti death penalty dagiti small time drug pushers ken rumbeng a maipasidong iti rehabilitasyon dagiti drug addict.
Impunto ni Flores a kasapulan nga ipamaysa iti panagresponde ti pulisya ken operasyon ti PDEA.
Mamati met iti kongresista nga iti saritaan iti ilegal a droga ket maikonekta iti kinarigat.
Inwaragawag pay ni Flores nga agkiddaw isuna ti briefing iti PDEA tapno amwen iti sitwasyon ti ilegal a droga ditoy Pilipinas tapno agbalin a nabiit iti panangipila dagiti kasapulan a linteg.
