Dumanonen ti uppat nga indibidual dagiti pimmusay ken 12 dagiti naiturong iti pagagasan, kasaruno iti panag-collapse ti Binaliw Landfill idiay Cebu City idi Enero 8.
Karaman kadagiti pimmusay iti maysa nga engineer ken babai nga office worker nga agpada nga empleyado ti landfill and waste management facility.
Agtultuloy iti panangbirok kadagiti 36 nga indibidual a mapukpukaw babaen iti panagtitinnulong dagiti rescuers, pulisya, firefighters, ken disaster-response personnel.
Agarup 110 a mangmangged iti adda iti lugar idi napasamak iti insidente, ken nadadael dagiti sumagmamano nga istraktura ken pasilidad.
Mangnamnama iti pamilya dagiti mapukpukaw a trabahador a masarakan isuda a nabiag.
Saan pay a masinunuo iti rason ti panag-collapse ti landfill.###
