Nasuroken a 700 a tattao ti pimmusay gapo iti air strikes ti Israel idiay Lebanon sipud pay idi Lunes.
Manipud idi Huebes, mapattapatta a nasurok met a 200,000 nga umili ti nai-displace idiay Lebanon sipud pay idi Oktubre 2023 idi nangrugi ti Hezbollah ken Israel a nagsinnukat kadagiti panangraut iti nagbeddengan da.
Dakkel a bilang dagiti nag-evacuate paadayo iti makin-abagatan a Lebanon ti napan idiay Beirut, dadduma a paset ti pagilian ken kadagiti kabangibang a pagilian.
Kabayatanna, nangiruar ti opisina ni Israeli Prime Minister Benjamin Netanyahu iti statement tapno malawlawagan ti inawagan na a ‘misreporting’ mainaig iti panangilaksidda iti gannuat ti US para iti ceasefire idiay Lebanon.
Nakalanad iti nasao nga statement paset ti Israel kadagiti itantandudo ti US a mangipalubos kadagiti umili nga agsubli a sitatalged kadagiti pagtaenganda idiay makin-amianan a beddeng.
Kinunana pay nga ituloy ti kampoda ti saritaan mainaig iti ceasefire call iti sumarsaruno nga al-aldaw.
Inaramid ti opisina ti Israeli Prime Minister ti pananglawlawag kalpasan nga inlaksid dagiti politiko ti Israel ti cease-fire proposal a pakairamanan ni foreign minister Israel Katz a nagkuna nga awan ti ceasefire iti makin-amianan a beddeng.
