Karamanen iti memorial sadiay Tel Aviv ti nagan ti Filipina caregiver a ni Mary Ann De Vera, a pimmusay gapo iti missile attack idiay Israel idi bulan ti Marso.
Nakipamaysa ti Tel Aviv Mayor a ni Ron Huldai ken Philippine Ambassador Aileen Mendiola, kadwa ti Filipino community, iti panangisagot ti sabong iti official memorial na.
Alas-8:00 ti rabii idi Abril 20 idi naguni ti sirena kas simbolo ti panangrugi ti Yom HaZikaron, national day of remembrance para kadagiti soldado ken sibilyan a natay iti gyera idiay Middle East.
Natay ni De Vera idi Marso 1 kalpasan a matirwan ti missile kabayatan nga iyak-akar na ti bomb shelter ti alaga na nga Israeli. Isuna ti kaunaan a Pilipina a natay iti agdama a tensyon iti rehiyon.
