Pinasingkedan ni Senador Ronald “Bato” Dela Rosa nga isuna ti naudi a pasahero nga naibaba idiay Baguio City sakbay a nagsuwek ti helikopter idiay Barangay San Miguel, Guimba, Nueva Ecija.
Segun kenni Dela Rosa, “very smooth” ti helicopter idi nagturong da idiay Baguio City ken awan met ti aniaman a nariknana ken nasayaat met ti tiempo kadaita nga aldaw.
Malaksid iti senador, karaman pay a pasahero dagiti dua a security personnel na.
Idi Sabado, Pebrero 1 ket nagsuwek ti R44 light helicopter a nakatayan ni Julia Flori Monzon Po, 25-anyos.
Segun iti imbestigasion, agawid kuman ni Po idi nagsuwek ti helikopter agarup alas singko ti malem ti dayta nga aldaw.
Dua nga oras a narigatan ti panagpatayab ni Po sakbay a nagbiahe isuna manipud Binalonan, Pangasinan gapu iti engine issue.
