BR LA UNION – Nangiyuswat iti Department of Education Region 1 ti press conference ita nga aldaw, Disyembre 23, 2025 iti executive conference hall ti Deped Regional Office 1.
Ranta ti nasao nga aktibidad a maiyebkas da dagiti achievements ken accomplishments ken dagiti kangrunaan a problema a sangsangwen ti Department of Education Region 1.
Maysa kadagiti karit a sangsangwen ti DEPED region 1, ket ti ginubway dagiti napalabas a didigra wenno bagyo, a nakadadaelan dagiti adu a pasdek pagadalan.
Segun kenni DEPED Asst. Regional Director Rhoda T. Razon, saan pay a naan-anay a naka-recover ti rehiyon, gapu iti napalabas a didigra, ket ti maysa kadagiti makitkitada a solusyon – panagaramid iti resilient a pagadalan.
Agtultuloy met iti panag-plano ti DEPED R1, tapno maited kadagiti learners iti nangato a kalidad ti edukasyon ken mapasayaat a panagadal dagiti agtutubo.
