Target ti Department of Education a manglukat ti nasurok 65,000 a baro nga teaching ken non-teaching positions kadagiti pampubliko a pagadalan ita a tawen.
Segun kenni Education Secretary Sonny Angara, adda ti naitukon nga ₱15.4 billion a pondo para iti panangpartuat ti 65,184 a baro nga posision para kadagiti mannursuro.
Panggep ti alokasion a masungbatan iti agtultuloy a kinakurang dagiti mannursuro ken personnel iti sektor ti edukasion.
Partikular a masungbatan dagiti pagkasapulan kadagiti lugar nga addaan ti linnetlet wenno nangato a bilang dagiti estudyante iti tunggal classroom.
Tarigagay met ti addang a mapasayaat iti serbisio pang-edukasion kadagiti lugar nga agkurkurang kadagiti kapada a programa ken suporta.
Innayon pay ti sekretario nga addaan ti umdas a bilang dagiti indibidual a pimmasa iti Licensure Examination for Teachers (LET), wenno dagiti LET passers, tapno punnuen dagiti baro a posision a maluktan kadagiti pampubliko a pagadalan iti intero a pagilian.###
