Plano ti Department of Education a pasimpleen ti kurikulum para kadagiti estudiante iti Senior High School.
Iti maysa a statement, kinuna ni Education Secretary Sonny Angara nga babaen iti daytoy nga addang, maikkan dagiti estudiante iti gundaway a mangipamaysa iti on-the-job training wenno work immersion-da.
Inaramid daytoy ti sekretario iti 2024 Regional Conference on Educational Planning in Asia ket kinunana nga ipamaysa ti ahensia ti panangisagana kadagiti estudiante para iti nadumaduma nga industria.
No maipatungpal daytoy ket lima agingga innem laeng nga asignatura ti maited kadagiti agad-adal iti Senior High.
Repasuen pay ti sekretario dagiti programa ti DepEd nangruna iti English, Science, ken Math iti agdama a kurikulum.
Kabayatanna, awan pay ti eksakto nga aldaw u kaano a iyemplementar daytoy ti Department of Education.
