Pinaglibakan ni sigud a Senador ken agdama a Department of Education (DepEd) Secretary Sonny Angara a karaman isuna kadagiti anomalya ti infrastructure projects ti gobierno.
Segun kenni Angara, iti las-ud ti 21 a tawen na iti gobierno ket saan pay isuna a nairaman iti aniaman a korapsion.
Reaksion daytoy ti sekretario kalpasan nga inraman isuna ni sigud a Public Works undersecretary Roberto Bernardo kabayatan ti panagatendar na ti Senate blue ribbon committee hearing idi kalman, Nobiembre 14, a nangibutaktakan na dagiti sumagmamano a sigud ken agdama a manmanday-linteg a maipagarop a karaman iti nalawa nga anomalya kadagiti flood control projects.
Karaman ni Angara a maipagarop a nakaawat ti kickbacks kadua isuda Senador Jinggoy Estrada ken sigud a Senador Grace Poe nga agpada a pinaglibakan met iti alegasion.
Immuna a kenuna ni Bernardo a napasamak iti panagdawat ni Angara ti kickbacks idi isuna pay laeng iti chairman ti Senate finance committee nga isu ti nag-sponsor dagiti annual budget ti gobierno. #
