Target ti Department of Education (DepEd) a mabawi iti nasurok-kumurang P100 million manipud kadagiti pribado a pagadalan a karaman iti iregularidad iti Senior High School Voucher Program, segun kenni Education Secretary Sonny Angara.
Kenuna ni Angara nga agtultuloy iti imbestigasyon ken mapap-papigsa iti sistema tapno maliklikan dagiti panagkusit.
Nangipilan iti DepEd ti civil ken criminal cases kontra kadagiti sangkot a pagadalan, pakairaman iti maysa nga eskwelaan idiay Metro Manila.
Maipalagip ng impadamag ti ahensya idi bulan ti Marso a 12 private schools iti maim-imbestigaran para iti School Year 2023-2024, bayat a tallo dagiti na-flag ti Government Assistance and Subsidies Service (GASS).
No kaspangarigan mabawi iti P100 million, agtalinaed a mailatang daytoy iti voucher program tapno ad-ado nga estudyante iti agbenepisyar.
Makikokoordinar metten iti DepEd iti Private Education Assistance Committee (PEAC) tapno papigsaen iti oversight ken accountability ti programa ita nga school year.#
