BR LA UNION – Awan pay ti impormasyon nu adda iti Pilipino a naapektaran iti panagbomba ti Estados Unidos iti tallo a nuclear sites idiay Iran, segun iti Department of Foreign Affairs (DFA).
Iti maysa nga interview, imbaga ni DFA Assistant Secretary Robert Ferrer a saan a nalawag nu adda iti Pilipino a tinamaan ti airstrikes ngem napalagipan dagiti Pilipino a lumisi kadagiti pasilidad ti Iran.
Segun kenni Ferrer, adda mapatta-patta a 1,200 Pilipino idiay Iran, ken siyam ti kumidkiddaw a makaawidda ditoy Pilipinas.
Siniguro pay ni Ferrer a dagiti kameng ti Philippine Embassy idiay Tehran iti maudi a rumuar iti nasao a pagilian, tapno masiguro a maasikaso nga umuna dagiti kayatna ti agawid ditoy pagilian.
Kabayatanna, 223 Pilipino idiay Israel iti kumidkiddaw ti repatriation, a pakaibilangan dagiti 26 a naka-iskedyul pumanaw.
Mapatt-pata nga aganay 30,000 a Pilipino ti adda idiay Israel.
Maysa a Pilipino iti kritikal ti kondisyonna bayat a dagiti pito ket nakarwar dan iti ospital.
Naamwan nga umabot iti 88 a babbalay dagiti Pilipino iti naipadamag a nadadael gaputi airstrikes ti Iran, ken 80 a tattao ti naiyakar iti nataltalged a lugar.
Kabayatanna, idi Biyernes ket impangato ti gobyerno ti Pilipinas iti Crisis Alert Level 3 idiay Iran ken Israel, a kaipapanan a nabalakadan dagiti Pilipino iti nasao a pagilian ket boluntaryo a nagawid gaputi kumarkaru a tensiyon tensyon iti rehiyon.
