LA UNION – Mangidatag manen ti Department of Foreign Affairs (DFA) ti baro a diplomatic protest kontra China.
Kasaruno daytoy iti panang-harass manen ti Chinese Coast Guard (CCG) kadagiti barko ti Pilipinas idiay Scarborough Shoal.
Segun kenni Foreign Affairs Sec. Enrique Manalo, nalawag a legal ken adda karbengan iti Pilipinas idiay Scarborough Shoal isunga saan a maawatan nu apay a paulit-ulit nga ar-aramiden daytoy ti higante a pagilian.
Impaganetget ti opisyal nga agtalinaed iti stand ti Pilipinas iti nasao a paset ti kabaybayan, nga uray anya ti ibaga ti Beijing.
Namnamaen nga agkita da Sec. Manalo ken Chinese Ambassador Huang Xilian tapno idanon iti posisyon ti pagilian seknan kadagiti insidente ti panang-bully.
