Imbilin ti Department of the Interior and Local Government (DILG) iti panawagan kadagiti lokal a gobierno a dagos nga mangipatungpal ti preemptive evacuation kasaruno iti panagbalin a supertyphoon ti Bagyong Nando.
Segun kenni DILG Secretary Jonvic Remulla, rumbeng a saanen nga itantan dagiti LGUs iti panangiyakar dagiti umili manipud kadagiti nepeggad a lugar.
Biag iti nakataya isu nga obligasyon ti gobierno ken responsibilidad ti tunggal komunidad iti nasapa a panagbakwit.
Rumbeng met a mangipatungpal dagiti lokal a gobierno ti mandatory evacuation kangrunaan kadagiti lugar a kanayon nga malaylayos, napigsa iti bagyo, ken adda ti pangta ti landslide.
Kabayatanna, binalakadan ti ahensia iti publiko a padaanan dagiti updates manipud ti PAGASA ken dagiti lokal a gobierno.###
