LA UNION – Iti panagdengeg idi kalman, Miyerkules, Hulyo 10, 2024 iti House Committee on Dangerous Drugs nga idaulwan ni Surigao Del Norte 2nd District Representative Robert Ace Barbers idiay Kamara, imbutaktak ti maysa a sigud nga opisyal ti Phil. National Police a na-dismiss iti serbisyo, dagiti maipagarop a druglords ken protector ti iligal a droga ditoy Pilipinas.
Imbulos ken dinengngeg ti komite iti testimonya ni sigud a Police Colonel Eduardo Acierto, a mangitudtudo iti negiosyante a ni Michael Yang a karaman iti ilegal a droga.
Ni Yang, a nagserbi nga adviser ni sigud a President Rodrigo Roa Duterte, iti makunkuna nga incorporator ti Empire 999 Realty Corp., nga akinkukua ti bodega idiay Mexico, Pampanga a nakaiturongan iti P3.6 bilyon a balor ti shabu.
Ni Acierto, sigud a colonel ti PNP Drug Enforcement Group ket inakusarannapay ti panagbaybay-a da sigud a President Duterte, sigud nga Special Adviser nga itan ket Senador a ni Christopher “Bong” Go, ken sigud a PNP chief nga itan ket Senador a ni Ronald “Bato” dela Rosa.
Inakusaran pay ni Acierto iti sigud a Presidente a kayatna nga ipapatay daytoy gapu kadagiti ammo na a koneksyon ni Duterte kenni Yang ken iti dadduma pay nga indibidwal a mairam-raman iti ilegal a droga.
