PInasingkedan iti Philippine Space Agency nga iti Diwata-2, maika-dua nga Earth observation satellite ti pagilian nga Pilipinas, ket nalagpasan nan ti lima tawen a lifespan ken itan ket pang innem a tawen nan iti space.
Naipatayab ti microsatellite idiay space idi Oktubre 29, 2018 tapno makatulong kadagiti environmental assessment, agricultural management, ken madetermina ti kalawa ti perdisyon nga nga gubuay dagiti didira, particular a matulongan na dagiti siyentista a dagos nga maamuan iti kapigsa wenno intensity ti bagyo.
Nabukel daitoy babaen kadagiti researchers manipud UP Diliman ken DOST Advanced Science and Technology Institute, katinnulong iti Tohoku University ken Hokkaido University ti Japan iti sidong ti PHL-Microsat Program.
Ti Diwata-2 ket successor ti Diwata-1, umuna a microsatellite ti pagilian a naipatayab met idi bulan ti Abril 2016 ken nakasubli ditoy Earth idu tawen 2020.
Innayon pay ti PhilSA nga iti Multispectral Unit for Land Assessment (MULA), ti kaunaan ken kadakkelan a commercial-grade satellite ti Pilipinas ket madaman a maar-aramid.
Nadisenyo ti MULA tapno masuportaran ti target ti pagilian a food security, disaster resilience, environmental conservation, ken national security.
