Nangangay ti dialogo idi kalman ti Department of Migrant Workers kadagiti recruitment agencies ditoy Pilipinas.
Ti panagregget ti ahensia ket ti panangsalaknib ken panangaywan iti pagimbagan dagiti Overseas Filipino Workers (OFWs), nangruna dagiti naipatulod idiay Kuwait ken Saudi Arabia.
Ti konsultasyon ket addang ti DMW tapno mapapigsa ti monitoring, maipatungpal ti nasaysayaat a terms of contract, ken masigurado ti accountability dagiti recruitment agencies kasta met dagiti foreign counterparts da.
Sumagmamano kadagiti kangrunaan nga isyu a napagsasaritaan ket ti panangmonitor kadagiti mangmangged kadagiti trabahoda, panangpasayaat kadagiti terms of contract kadagiti amo babaen ti nalawag a panangiladawan iti work nature, ken panangkissay iti kapaut ti tawen ti kontrata manipud iti dua a tawen agingga iti maysa a tawen laengen.
Inlawlawag ti ahensia a daitoy ket tapno maipangato ti tangdan dagiti domestic workers ken mairaman dagiti pamiliada kadagiti pre-departure seminars a napateg nga addang tapno mapennek dagiti kasapulan dagiti mangmangged ken dagiti posible a peggad a mabalin a sanguen da.
Ad-adda pay nga impaganetget ti DMW a ti kangrunaan a panggep ti panagaramid kadagiti pagalagadan ket saan laeng a tapno maipasdek dagiti pagannurotan, no di ket tapno masigurado nga epektibo a maipatungpal dagitoy para kadagiti karbengan ken pagimbagan dagiti OFWs.
Malaksid iti direktiba ni Presidente Ferdinand Marcos Junior ti nalawag a panangipamaysa iti kinatalged dagiti OFWS, nangruna kadagiti nakakapsot pakinakem da.
Daytoy a proseso ti konsultasion ket nangited pay ti kontribusion dagiti maseknan kas iti Philippine Association of Service Exporters Incorporated (PASEI) ken ti Coalition of Licensed Recruitment Agencies for Domestic and Service Workers (CLADS), para iti agtultuloy a pannakapasayaat ti polisia dagiti kailian iti ballasiw-taaw.
Kabayatanna, adda met dagiti konkreto a singasing ti DMW a mabalin a mangipatungpal kadagiti naing-inget a wagas tapno malapdan ti pananggundaway ken panangabuso dagiti mangmangged a Pilipino.
