Nagpalagip ti Department of Health (DOH) a saan laeng nga iti Valentine season a rumbeng nga aramiden ti natalged a pannakinaig, no di ket iti sibubukel a tawen.
Segun ti ahensia, makatulong iti safe sex tapno maliklikan ti Sexually Transmitted Infections (STIs), saan a ninamnama a panagsikog, ken agserserbi nga epektibo a wagas ti family planning.
Imbalakad ti DOH, kangrunaan kadagiti adda iti “dating stage” wenno saan pay a nagkasar, nga agusar ti proteksion kas iti condom, lubricants, ken pre-exposure prophylaxis (PrEP).
Napateg met a raemen ti consent ken personal boundaries ti tunggal maysa iti aniaman a physical intimacy.
Kagiddan ditoy ket agtultuloy iti panagngato ti HIV cases iti pagilian ken nasurok 1,400 a baro a kaso iti nailista manipud Nobiembre aginggana Disyembre 2025.
Para met kadagiti single, balakad ti DOH a mangitukon ti oras para iti bagi babaen ti self-love ken panangipateg iti mental health.
Palagip ti ahensia: ti pudno a panagayat ket makita iti panangsalaknib ti bagi ken iti pagsayaatan dagiti dadduma a tao iti aglawlaw.###
