Impasigurado ti liderato ti Department of Health a nakasagana iti Pilipinas iti sakit a Nipah virus gapu ta saan daytoy a baro iti pagilian.
Segun kenni DOH spokesperson Assistant Secretary Albert Domingo, nailista ti 17 a kaso idiay Sultan Kudarat idi 2014 a maala manipud iti pannangan ti karne ti kabalyo ken pannakipulapol kadagiti indibidual nga addaan ti Nipah virus.
Karaman kadagiti sintomas daytoy ket ti flu, panagmaga ti utek, ken meningitis.
Sipud idi 2014 ket awanen iti mailislista a kaso ngem agtultuloy iti ar-aramiden a monitoring ti Epidemiology Bureau.
Kenuna ti World Health Organization nga iti NiV ket maysa a zoonotic virus a mabalin a maala wenno mayakar babaen ti kontimado a makan ken indibidual.
Sumagmamano a bat species a masarakan iti pagilian nga at risk a makaptan ti nasao a virus.###
