LA UNION – Nakatuding nga iyuswat ti Department of Health inton October 7 iti “Bakuna-Eskwela” kas paset iti panang-papigsa ti DOH iti National Immunization Program.
Segun kenni DOH Secretary Ted Herbosa a bimmaba iti national status ti pagilian iti fully immunized child gapu iti naglabas a pandemya.
Gaputi dayta, imprisinta ita nga aldaw ti ahensiya kenni President Ferdinand Marcos Jr. iti catch up plan dagitoy seknan iti Bakuna-eskwela.
Maisayangkat ti kick-off ceremony ti Bakuna-Eskwela nationwide idiay Dr. Alejandro Albert Elementary School idiay Sampaloc Manila.
Target a mabakunaan dagiti grade 1-7 nga awanan pay ti bakuna partikular para iti measles, rubella, tetanus, ken diphtheria, bayat a dagiti grade 4 nga ubbing a babbai nga agtawen ti 9 ket maipaayan ti human papillomavirus vaccine wenno anti-cervical cancer vaccine.
Iti datos ti DOH, aganay 71% iti fully immunized nga ubbing.
