Kayat ti Department of Health (DOH) nga ibilang ti Philippine Health Insurance Corporation (PhilHealth) iti package da ti sarming ti mata dagiti ubbing nga agtawen lima agpangato.
Segun kenni DOH Spokesperson Dr. Albert Domingo, naisubmitir dan iti rekomendasyon iti En Banc ti Philippine Health Insurance Corporation (PhilHealth).
Inlawlawag ni Domingo nga agtultuloy ti panaga-adu dagiti bilang dagiti ubbing a maad-addaan ti problema kadagiti mata da.
Kinunana nga amin kadagitoy ket agkasapulan ti madagdagos nga atensyon medical ken panag-agas.
Iti agdama, nangina latta iti panagpasarming isu ket dakkel a bang-ar kunana para kadagiti pasyente nu mapagbigyan daitoy iti Philhealth.
Malaksid iti sarming ket nairekomenda pay maikadwa ti check up ken operasyon iti Katarata kadagiti ubbing.
Papangatuen na pay ti package rate ti Philhealth para met iti oronary artery bypass graft surgery, panagpaserra ti ventricular septal defect, ken dadduma pay nga operasyon ken serbisyo.
