Nagpanawagan ti Department of Health kadagiti deboto nga addaan ti sintomas ti trangkaso kas iti panaguyek ken panateng a saan pay laeng a dumar-ay kadagiti aktibidad ti Nazareno 2026 tapno maliklikan iti panawaras ti sakit.
Segun kenni DOH Asec Gloria Balboa, nupay awan ti panagngato iti kadawyan a bilang ti kaso ti trangkaso, nasaysayaat no agtalinaed iti pagtaengan dagiti addaan ti marikrikna a sintomas kangrunaan ta manamnama nga agbalin a siksikan dagiti dumar-ay.
Inlawlawag na a napartak nga agwaras dagiti sakit nga airborne wenno droplet-borne kadagiti dadakkel a panagtitipon.
Nabalakadan met dagiti mangipilit a tumabuno nga agsuot ti facemask.
Pinalagipan met ni Nazareno 2026 Technical Director Alex Irasga dagiti nagannak a saan a baybay-an nga umili dagiti ubbing ken agtutubo iti andas.
Dagiti menor de edad iti kadawyan a karaman kadagiti masugsugatan tunggal Traslacion.
Segun kenni Irasga, iti pudno a deboto ket ammo na ti sumurot kadagiti alagaden nga ipatpatungpal ti simbaan para iti kinatalged ti amin.###
